Gehoor in die Moot

20 jaar – Net glimlagtyd!

Op 1 Februarie 1999 het ek my praktykdeur by Netcare Moot Hospitaal te 18de Laan in Rietfontein geopen. Ek was vir tien jaar daar werksaam, waarna ek verhuis het na die huidige perseel te 18de Laan 536 in Rietfontein.

Terugskouend staan een ding soos ‘n paal bo water – nie een werksdag is soos ‘n ander nie! Dit was 20 jaar van saam met die pasiënte lag en huil, oomblikke van gedeelde trane en vreugde. En altyd bevredigend.

Soveel gebroke ouers wat moes hoor dat hul baba/peuter ‘n permanente gehoorverlies het en dan ‘n jaar of wat later trots kom vertel hoe goed boet of sus met die apparate regkom en selfs daarna vra as dit soggens nie gou genoeg in hul ore gesit word nie. Glimlagtyd!

‘n Mens raak geheg aan die pasiënte wat ons gereeld besoek en ons het al dikwels saam met die familie oor die heengaan van ‘n geliefde getreur. Wanneer die familie die pasiënt se gehoorapparate aan die praktyk skenk, kan dit weer aan iemand wat nie oor fondse beskik nie, gegee word. My beloning lê daarin as die pasiënt terugkom en opgewonde vertel dat hul vir die eerste keer in jare weer soggens die voëltjies kan hoor kwetter. Natuurlik is daar dié mense wat mor dat hulle hul wederhelf nou te goed kan hoor!

Wat ek deur die jare opgemerk het, is dat die ondersteuning en begrip van familie en vriende vir ‘n pasiënt met gehoorverlies baie belangrik is. Diegene wat positief benader en aangemoedig word, raak baie makliker daaraan gewoond om apparate te dra. Pasiënte is geneig om te gou moed op te gee as hulle nie regkom nie en hulle kom ook nie terug vir hul opvolg besoeke nie. Dikwels is daar net ‘n klein verstelling nodig, maar hoofsaak is die pasiënt se eie ingesteldheid. Hier is vasbyt die wagwoord. Eendag verstaan jy en jou apparate mekaar goed en jy wonder hoe jy ooit sonder hulle klaargekom het.

Natuurlik was die trek na my eie perseel ‘n hoogtepunt. Wat ‘n luukse om soveel ruimte te hê. Aangesien die pasiënte eintlik ‘familie’ word, is dit vir my lekker om hulle in ‘n gesellige atmosfeer te verwelkom waar hulle gerus kan wees dat hul voertuig veilig binne parkeer is. Hulle is ook welkom om in die tuin rond te stap terwyl hulle vir hul afspraak wag. Die kleintjies kan hulself in die speelkamer vermaak.

Nog ‘n hoogtepunt is die tegnologie wat elke jaar net meer vorder. Ek en my oudioloë het deur die jare hard gewerk om op hoogte te bly met ontwikkeling en vooruitgang in die veld van gehoorapparate. Vele kongresse en opleidingsessies is bygewoon, en honderde navorsingsartikels is deurgewerk! Daar was nog nooit so ‘n verskeidenheid gehoorapparate en bybehore beskikbaar soos nou nie. Werklik iets wat vir elkeen se gehoorvermoë geskik is.

Ek moet erken – toe ek begin dink het aan wat om hier te skryf, het ek besef dat die hoogtepunte die laagtepunte by verre oortref, en dit sou nie moontlik gewees het sonder my toegewyde personeel, lojale verwysende dokters en julle, my pasiënte nie.

Geen gehoor in een oor: Die CROS oplossing

Trauma van die kop/oor, masels, pampoentjies, herhaalde middeloorinfeksies, en ander virusse kan ‘n permanente ernstige na uitermatige gehoorverlies in een oor tot gevolg hê.

Hierdie persone sal nie spraak kan hoor met daardie oor nie en sal probleme ondervind om in ‘n geraasomgewing ‘n gesprek te volg. Om vas te stel waar klank vandaan kom (rigting van klank) is ook moeilik.

Baie mense verkeer onder die indruk dat hy/sy of sy kind maar só deur die lewe moet gaan.

Tans is daar 3 behandelingsopsies beskikbaar: kogleêre inplanting, BAHA (bone anchored hearing aid) of ‘n CROS sisteem (contralateral rooting of the signal). In die geval van ‘n CROS sisteem, dra u ‘n gehoorapparaat met ‘n mikrofoon om klanke aan die “dooie” kant van u kop op te vang. Hierdie klank of spraak word dan koordloos gelei na die oor met beter of normale gehoor aan die ander kant van u kop. Hierdie opsie gaan nie u gehoorsensitiwiteit in die oor met ernstige gehoorverlies verbeter nie, MAAR sal u gehoor in ‘n geraasomgewing vergemaklik.

Hearing your own voice naturally

Hearing your own voice naturally when using hearing aids has always been an important concern. New hearing aid users usually complain of their own voice sounding tinny, echoing, having an electronic/microphone-like sound or sounding as if they have a cold/blockage.

Hearing aid manufacturers have finally developed a solution for this problem. The new Nx range of hearing aids from Siemens/Sivantos now has patented Own Voice Processing (OVP) technology. This technology uses an acoustic scan of the hearing aid wearer’s head to detect your voice when you are speaking. By separating the wearer’s voice from external sounds, the hearing aid can make automatic adjustments to make your voice sound more natural. Your audiologist will perform a short test where you will count out loud while she programmes your Nx hearing aids. Now you can have the best of both worlds: natural perception of your own voice and optimum audibility for external sounds.